„ჩემი დროის უმეტეს ნაწილს იმას ვუთმობ, რომ ვცდილობ ყველაფერი გავაკეთო, რათა დონალდ ტრამპი პენსიაზე გავუშვა და გოლფის მოედანზე დავაბრუნო“, – ამის შესახებ აშშ-ის ყოფილმა სახელმწიფო მდივანმა, ჰილარი კლინტონმა განაცხადა. ინფორმაციას The sun-ი ავრცელებს.
კლინტონმა 2016 წლის საპრეზიდენტო არჩევნების შედეგებზეც ისაუბრა და აღნიშნა, რომ ტრამპი იმაზე უარესი აღმოჩნდა, ვიდრე შიშობდა რომ იქნებოდა.
„ამაზე მე პასუხისმგებლობას ვგრძნობ“,- განაცხადა კლინტონმა.
მისი თქმით, პირობა დადო, რომ ჯო ბაიდენს ტრამპის დამარცხებაში ყველანაირად დაეხმარება.
