დღევანდელ დღეს ჰყავს ერთადერთი დამარცხებული, ეს არის რადიკალური, კრიმინალური ოპოზიცია – აცხადებს „ქართული ოცნების“ ერთ-ერთი ლიდერი ირაკლი კობახიძე საკონსტიტუციო ცვლილებებთან დაკავშირებით.
„ეს დღე არის ქართული ოცნების გამარჯვება. ეს დღე არის იმ მუდმივი თანმიმდევრული დემოკრატიული გზის გაგრძელება, რომელიც 2012 წელს ბიძინა ივანიშვილის ხელმძღვანელობით დემოკრატიული გარდატეხით დაიწყო.
დღევანდელი დღე არის გამარჯვება ყველასთვის, ვინც დაინტერესებულია ქვეყნის დემოკრატიით.
დღევანდელ დღეს ჰყავს ერთადერთი დამარცხებული – რადიკალური კრიმინალური ოპოზიცია, რომელმაც უხეშად დაარღვია 8 მარტის შეთანხმება და ელჩების მოწოდება“, განაცხადა ირაკლი კობახიძემ.
მან მადლობა გადაუხადა აშშ-ს, ევროკავშირის, გერმანიის და სხვა შუამავალ ელჩებს.
შეგახსენებთ, რომ პარლამენტმა 117 ხმით 3-ის წინააღმდეგ მხარი დაუჭირა საკონსტიტუციო ცვლილებებს, რომლის მიხედვითაც 2020 წლის საპარლამენტო არჩევნები 120/30-ზე პროპორციით ჩატარდება. კენჭისყრაში მონაწილეობა არ მიიღო „ნაციონალურმა მოძრაობამ“ და „ევროპულმა საქართველომ“.
