„მოსახლეობა დაიღალა პოლიტიკური იწილო- ბიწილოთი, შევლენ-არშევლენ, დიალოგი – არა, დამთავრდა ეს, მთავარი გამოწვევა არის ეკონომიკა, დასაქმება და ხალხისთვის სიტუაციის შემსუბუქება. მთელი ამ პერიოდის განმავლობაში დიალოგი 4- ჯერ გავმართეთ და ყველგან ვამტკიცებდით, რომ საქართველოს 2012 წლიდან არ ჰყავს პოლიტპატიმრები და ეს სენატიდან და ევროპარლამენტიდანაც გაჟღერდა. ასევე, მეორე მნიშვნელოვანი დეტალი იყო ის, რომ არჩევნები იყო სამართლიანი, კონკურენტული და ფუნდამენტური უფლებები იყო დაცული”, – ამის შესახებ საპარლამენტო უმრავლესობის წევრმა ირაკლი ზარქუამ განაცხადა.
ვამბობდით, სანამ ეს საბოლოო შეხვედრა მოხდებოდა, არ არის სააკაშვილის ფრთის ინტერესი, რომ დიალოგი დამთავრდეს შეთანხმებით, ესეც დამტკიცდა, მათი ამოსავალი წერტილია ქაოსი, დესტაბილიზაცია. ამას არ უნდა მივცეთ ჩვენ გასაქანი, მათ შორის თქვენ (ჟურნალისტებს) ძალიან დიდი პასუხისმგებლობა გენიჭებათ, ვისაუბროთ ეკონომიკაზე,”- განაცხადა ზარქუამ.
