„უკვე თვეებია 9 საათის შემდეგ თავის გამოყოფის უფლებას არ გვაძლევენ სახლიდან. ამას არანაირი რაციონალური ახსნა არ აქვს”, – ამის შესახებ “გირჩი-მეტი თავისუფლების” ლიდერმა, ზურა ჯაფარიძემ რუსთაველის გამზირზე პანდემიის გამო დაწესებული შეზღუდვების წინააღმდეგ გამართულ აქციაზე განაცხადა.
“ზოგადად ვითხოვ ყველა შეზღუდვების მოხსნას, თუმცა დღეს კონკრეტულად ვაპროტესტებთ კომენდანტის საათს, რომელიც არის, ალბათ, ერთ-ერთი ყველაზე დამამცირებელი შეზღუდვა, რომელიც მთავრობამ დაგვიწესა, უკვე თვეებია 9 საათის შემდეგ თავის გამოყოფის უფლებას არ გვაძლევენ სახლიდან. ამას არანაირი რაციონალური ახსნა არ აქვს და აქ ვართ შეკრებილი ადამიანები, რომლებიც ვაპირებთ დემონსტრაციულად დავარღვიოთ სახელმწიფოს ეს რეგულაცია მიუხედავად იმისა, რომ რაღაც სანქციები და ჯარიმებია ამისთვის გათვალისწინებული”,- განაცხადა ზურა ჯაფარიძემ.
ცნობისთვის, ამ წუთებში რუსთაველის გამზირზე პანდემიის გამო დაწესებული შეზღუდვების წინააღმდეგ აქცია მიმდინარეობს.
მონაწილეები კომენდანტის საათს დაარღვევენ და აქციაზე 9 სთ-ის შემდეგაც დარჩებიან.
