ერთობლივი განცხადებით, ევროპარლამენტარები მწუხარებას გამოთქვამენ იმის გამო, რომ საქართველოს პოლიტიკური ლიდერები არ ეთანხმებიან ევროკავშირის შუამავლის კრისტიან დანიელსონის წინადადებას. ამის გამო, ევროპარლამენტარები ერთობლივ განცხადებას ავრცელებენ, ისინი საქართველოსთვის მაკროსაფინანსო დახმარების შეჩერებას მოითხოვენ.
“იმედგაცრუებულები ვართ საქართველოში პოლიტიკური ლიდერების გამო, რადგან მათ ვერ შეძლეს შეთანხმების მიღწევა, მიუხედავად ევროკავშირის მიერ უდიდესი ძალისხმევის გაწევისა, დაესრულებინათ პოლიტიკური კრიზისი, დისკუსიებში მონაწილე მმართველმა და ძირითადმა ოპოზიციურმა პარტიებმა კომპრომისზე წასვლა არ ისურვეს. ამაში განსაკუთრებული პასუხისმგებლობა მთავრობას ეკისრება.
აუცილებელია ნდობის აღდგენა პოლიტიკური პარტიების აქტორებს შორის. ამ წინადადების შინაარსი მართლაც სწორი გზაა საქართველოსთვის:
საარჩევნო სისტემის და სასამართლოს ამბიციური რეფორმები,
პასუხისმგებლობის მნიშვნელოვანი განაწილება საქართველოს პარლამენტში,
პოლიტიზებული სამართლიანობის აღდგენა ორი შემთხვევაში.
ამ გადაწყვეტილებების მიღება პოლიტიკურად დაბალანსებული იქნება და პატივს სცემს როგორც კანონის უზენაესობას, ისე 2020 წლის არჩევნების საერთაშორისო შეფასებას. ჩვენ ასევე მივესალმებით ჟან-მონეს დიალოგის პროცესის იდეას, რომელსაც მხარს უჭერს ევროპარლამენტი.
პოლიტიკური პარტიებისგან კომპრომისზე უარის თქმის შემდეგ, საქართველოში ლიდერები არ უნდა ელოდონ ევროკავშირისგან ძველებურად საქმის გაგრძელებას, განსაკუთრებით ევროკავშირის ფინანსური დახმარების თვალსაზრისით, მათ შორის, როგორც მომდევნო გადახდის შეჩერების, ისე იმ პირობების გამკაცრების მხრივ, რაც ევროკავშირის მხრიდან მაკროსაფინანსო დახმარების პროგრამებსა და საბიუჯეტო მხარდაჭერას უკავშირდება.
იმავდროულად, საქართველოს პარლამენტში მიმდინარე საარჩევნო და სასამართლო რეფორმების მიღება მოითხოვს ფართო პოლიტიკურ მხარდაჭერას და ეუთო / ODIHR– ის და ევროპის საბჭოს ვენეციის კომისიის რეკომენდაციების სრულად შესრულების საჭიროებას. ეს რეფორმები მთავარია ნდობის აღსადგენად.
ჩვენ მოვუწოდებთ მმართველ პარტიას, უზრუნველყოს ჭეშმარიტად ინკლუზიური პროცესი, რათა თავიდან იქნას აცილებული კითხვები როგორც მომავალი არჩევნების, ისე – სასამართლო სისტემის შესახებ.
ჩვენ მოვუწოდებთ საქართველოს ლიდერებს დაუყოვნებლივ მიიღონ ზომები. საფრთხე ემუქრება ევროკავშირსა და საქართველოს ურთიერთობის მომავალს. ” – წერია განცხადებაში.
განცხადებას ხელს აწერენ:
დევიდ მაკალისტერი (EPP, გერმანია), საგარეო ურთიერთობათა კომიტეტის თავმჯდომარე და დემოკრატიის მხარდაჭერისა და საარჩევნო კოორდინაციის ჯგუფის თანათავმჯდომარე;
მარინა კალჯურანდი (S&D, ესტონეთი), დელეგაციის თავმჯდომარე სამხრეთ კავკასიასთან ურთიერთობებში;
ანდრიუს კუბილიუსი (EPP, ლიტვა), ევრონესტის საპარლამენტო ასამბლეის დელეგაციის თავმჯდომარე;
ვიოლა ფონ კრამონ-ტაუბადელი (მწვანეთა / EFA, გერმანია), დემოკრატიის მხარდაჭერისა და საქართველოს საარჩევნო კოორდინაციის ჯგუფის წამყვანი წევრი;
სვენ მიკსერი (S&D, ესტონეთი), ევროპარლამენტის მუდმივი მომხსენებელი საქართველოს შესახებ;
მაიკლ გალერი (EPP, გერმანია), ევროპარლამენტის მუდმივი მომხსენებელი უკრაინის საკითხებზე;
პეტრას აუტრევიჩიუსი (განახლება ევროპა, ლიტვა), ევროპარლამენტის მუდმივი მომხსენებელი ბელორუსის საკითხებში.
