კვლევების თანახმად, მსოფლიოს დიდი ნაწილი კვლავ ინფიცირების რისკის წინაშეა, – ამის შესახებ ჯანდაცვის მსოფლიო ორგანიზაციის დირექტორი, ტედროს ადანომ გებრეისუსი აცხადებს.
„ბევრი ქვეყანა, რომელსაც სჯეროდა, რომ ეს ყველაფერი უკან მოიტოვა, ახლა ახალ აფეთქებებს ებრძვის. ზოგიერთი ქვეყანა კი, რომელიც გასული კვირების განმავლობაში კორონავირუსით ნაკლებად იყო დაზარალებული, ახლა შემთხვევების რაოდენობის მატებას ხედავს“, – განაცხადა გებრეისუსმა.
მისივე თქმით, ჯანდაცვის სფეროში მსგავსი კრიზისი საუკუნეში ერთხელ ხდება და კორონავირუსის შედეგად გამოწვეულ ეფექტს მსოფლიო ათწლეულების განმავლობაში იგრძნობს.
ბოლო მონაცემებით, საქართველოში კორონავირუსით სულ 1168 ადამიანია ინფიცირებული.
