ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, კორონავირუსით ინფიცირების 4 ახალი შემთხვევა იმპორტირებულია. მისივე თქმით აღნიშნული პაციენტები სატვირთო ავტომობილის მძღოლები არიან.
“4 შემთხვევიდან 4-ვე არის შემოტანილი, ანუ იმპორტირებული და ყველა არის სატვირთო ავტომანქანის მძღოლი. ჩვენს ცენტრში 1 პაციენტი გამოჯანმრთდელა, ახალი არ მიგვიღია, გვყავს 24 დადასტურებული შემთხვევა და მათი მდგომარეობა უცვლელია”, – განაცხადა ეზუგბაიამ.
საქართველოში კორონავირუსის 4 ახალი შემთხვევა გამოვლინდა. ამჟამად ინფიცირებულთა რაოდენობა 999-ს შეადგენს. გამოჯანმრთელდა 13 ადამიანი. ჯამში იმ პირთა რიცხვი ვინც COVID-19 დაამარცხა 870-ს შეადგენს.
