აშშ-ის ალერგიისა და ინფექციური დაავადებების ეროვნული ინსტიტუტის დირექტორმა, ენტონი ფაუჩიმ WHO-ს მხარდაჭერა გამოუცხადა. ინფორმაციას ამის შესახებ CNN-ი ავრცელებს.
„WHO-სთან 40 წლიანი ურთიერთობა მაკავშირებს. ძალიან ბევრი კოლეგა მყავს, რომელთანაც ურთიერთობას ვაგრძელებ. ასევე, ძალიან კარგი ურთიერთობა მაქვს ორგანიზაციის დირექტორთან. ჯანდაცვის მსოფლიო ორგანიზაციზაცია სრულყოფილი არ არის. მან დაუშვა შეცდომები, მაგრამ ბევრი კარგი რამე აქვს გაკეთებული. მსოფლიოს სჭირდება WHO“,- განაცხადა ფაუჩიმ.
ცნობისთვის, ტრამპის გადაწყვეტილებას გლობალური პანდემიის ფონზე WHO-სთან ყველანაირი ურთიერთობა გაეწყვიტა, ძალიან დიდი გამოხმაურება მოჰყვა.
დონალდ ტრამპის თქმით, ჯანდაცვის მსოფლიო ორგანიზაციის ხელმძღვანელობამ უარი განაცხადა რეფორმების გატარებაზე, რომელსაც აშშ-ის ადმინისტრაცია ითხოვდა.
„ვინაიდან მათ საჭირო და შესანიშნავი რეფორმების გატარებაზე უარი განაცხადეს, ჩვენ შევწყვეტთ ურთიერთობას ჯანდაცვის მსოფლიო ორგანიაციასთან და თანხებს ჯანდაცვის სფეროში ჩართულ სხვა ორგანიზაციებს გადავუნაწილებთ“,- განაცხადა ტრაპმა.
15 აპრილს აშშ-მ ჯანდაცვის მსოფლიო ორგანიზაციის დაფინანსება შეუჩერა. დონალდ ტრამპის თქმით, ჯანდაცვის მსოფლიო ორგანიზაციამ კორონავირუსის საფრთხის შესახებ დროული და სათანადო ინფორმაცია არ გაავრცელა.
თუმცა, ფაუჩის თქმით, მას იმედი აქვს, რომ – „ იმ საქმიანობიდან სარგებლის მიღებას შევძლებთ, რასაც WHO აკეთებს “.
ასევე, რამდენიმე დღის წინ ფაუჩიმ განაცხადა, რომ WHO-ს განცხადება ასიმპტომური პაციენტებისგან ვირუსის ნაკლებად გავრცელების შესახებ, არასწორია
