„საერთაშორისო გამჭვირვალობა საქართველომ“ სასამართლოსა და პროკურატურის შესახებ საზოგადოებრივი აზრის კვლევის შედეგები გამოაქვეყნა.
კვლევის მიხედვით, გამოკითხულთა 48% თვლის, რომ საქართველოში გავრცელებულია პოლიტიკური ნიშნით ადამიანების დაპატიმრება. 38%-ს კი მიაჩნია, რომ ამგვარი დაპატიმრება არ არის გავრცელებული.
რაც შეეხება პროკურატურას. როგორც ირკვევა, გამოკითხულთა 72% პროცენტი მიიჩნევს, რომ უწყება სრულად ან ნაწილობრივ მმართველი პოლიტიკური ძალის ინტერესებს ემსახურება.
ასევე ნახეთ: გამოკითხულთა 47% მიიჩნევს, რომ სასამართლო სისტემაში ე.წ. კლანი არსებობს – კვლევა
საზოგადოებრივი აზრის კვლევა „საერთაშორისო გამჭვირვალობა – საქართველოს“ დაკვეთით „კავკასიის კვლევითი რესურსების ცენტრმა“ (CRRC) 2020 წლის 27 თებერვლიდან 18 მარტამდე პერიოდში ჩაატარა.
კვლევის ფარგლებში მთელი ქვეყნის მასშტაბით 1763 ადამიანი გამოიკითხა. კვლევის საშუალო ცდომილება 2.2%-ია.
