აქციის მონაწილეების ინფორმაციით, სასმელი წყლის მიწოდებისთვის საკანალიზაციო სისტემის მილებია გამოყენებული, რის გამოც ხშირად მომხმარებლები იწამლებიან.
წყლის ხარისხის გაუმჯობესების გარდა, ლაგოდეხელები, მრიცხველების დემონტაჟსაც ითხოვენ.
ადგილობრივები ამბობენ, რომ მრიცხველების დამონტაჟების შემდეგ, წყლის გადასახადი გაათმაგდა და ოჯახებს მისი გადახდის შესაძლებლობა არ აქვთ.
აქციის მიმდინარეობისას, შეიქმნა საინიციატივო ჯგუფი, რომელიც წყალმომარაგების კომპანიას, კომპენსაციის მოთხოვნით სასამართლოში უჩივლებს და პარალელურად, პერმანენტულ აქციებს გაუწევს ორგანიზებას.
ბოლო წლების განმავლობაში, წყლის პროექტის განსახორციელებლად, ლაგოდეხში 13 მილიონი ლარი დაიხარჯა, თუმცა პრობლემა დღემდე არ მოგვარებულა.
ავტორი: ხათუნა გულიაშვილი
