პარტია „ჩვენი საქართველო – სოლიდარობის ალიანსი“ საარჩევნო კამპანიას დროებით აჩერებს. ამის შესახებ ინფორმაციას პარტია ავრცელებს. მიზეზად კი პარტიის პოლიტიკური მდივნის, ლევან გოგიჩაიშვილის კორონავირუსით დაინფიცირებას ასახელებენ.
„თვითიზოლაციაშია ყველა ის პირი, რომელთაც უშუალოდ ჰქონდათ კონტაქტი ლევან გოგიჩაიშვილთან 6 სექტემბრის შემდგომ პერიოდში.
ასევე, უახლოეს დღეებში ჩაუტარდება ტესტირება გუნდის თითოეულ წევრს.
ჩვენი საქართველო – სოლიდარობის ალიანსი აცხადებს, რომ ღონისძიებებში, რომლებიც 6 სექტემბერს ქუთაისში, ხოლო 8 სექტემბერს თბილისში ჩატარდა, ლევან გოგიჩაიშვილი არ მონაწილეობდა.“ ნათქვამია პარტიის განცხადებაში.
შეგახსენებთ, რომ ლევან გოგიჩაიშვილსა და მის მეუღლეს, „ტვ პირველის“ ჟურნალისტს, ახალი კორონავირუსი დღეს დაუდასტურდათ.
