„დღეს შევხდით „გირჩს“, რადგან ერთად მოვიფიქროთ ამ სიტუაციიდან რა იქნება გამოსავალი, ასე ეს ყველაფერი ვერ გაგრძელდება, ოპოზიცია გაურკვეველი ვადით გაბუტულ მდგომარეობაში ვერ იქნება”,- ამის შესახებ პარტია “გირჩის” ლიდერმა ლევან იოსელიანმა განაცახდა.
“ვფიქრობთ, რომ ოპოზიციის იმ ნაწილისთვის, ვისთვისაც ვადამდელი არჩევნები პრინციპულად მნიშვნელოვანია, გვაქვს შესათავაზებელი. ამაზე გვქონდა დღეს საუბარი და ჩვენ ერთად გავაგრძელებთ დანარჩენ ოპოზიურ პარტიებთან კონსულტაციებს, დაგეგმილი გვაქვს, შევხვდეთ გიორგი ვაშაძეს და „ლელოს“. ეს ის პარტიებია, რომელთაგანაც ისმის, რომ პრობლემის მოსაგვარებლად მოლაპარაკება მნიშვნელოვანი და საუკეთესო გზაა. ფეხების ბაკუნი გამოსავალი არ არის, რადგან ამის უკან რა სცენარია, არ ვიცით და გაუგებარ მომავალში ვერცერთ პარტიას ვერ გავყვებით“, – განაცხადა იოსელიანმა.
