ლილოს, ელიავასა და დინამოს ბაზრობებზე ეპიდკვლევები ჩატარდა, – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა.

„ყველაზე დიდი გახლდათ ლილოს ბაზრობა, სადაც თუ არ ვცდები, 4 700-მდე ადამიანია გამოკვლეული, ასევე ჩატარდა კვლევა ელიავას ბაზრობაზე, სადაც 500, ხოლო „დინამოს“ ბაზრობაზეც გამოკვლეულია 500 ადამიანი შემთხვევითი შერჩევის პრინციპით. არსად დადებითი შემთხვევა არ გვქონია. ლილოს ბაზრობაზე თავიდან იყო ოთხი შემთხვევა, შემდეგ დაემატა ორი ინფიცირებული“, – განაცხადა ამირან გამყრელიძემ.

დღეს საქართველოში კორონავირუსის 10 შემთხვევა დადასტურდა, აქედან 3-ის წყარო დაუდგენელია, 1 ლენჯერის კლასტერს განეკუთვნება, 4 დადასტურებული შემთხვევის კონტაქტია, ორი კი იმპორტირებული შემთხვევაა.

საერთო ჯამში საქართველოში კორონავირუსის 1361 შემთხვევაა რეგისტრირებული, მათგან გამოჯანმრთელდა 1098 ადამიანი, ხოლო გარდაიცვალა 17.