ლოს-ანჯელესში ვაქცინაცია დროებით შეწყდება. მიზეზად ქალაქისთვის გასაცემი ვაქცინების ამოწურვა სახელდება. ამბის შესახებ ინფორმაციას CNN ავრცელებს.

აშშ-ის ერთ-ერთ ყველაზე დიდი სტადიონზე – “დოჯერის სტადიონზე”, მისი მასშტაბებიდან გამომდინარე, ვაქცინაციისთვის სპეციალურად მოწყობილი სივრცეა მოწყობილი, თუმცა ვაქცინის ამოწურვის გამო, ეს იგი დაიკეტება.

„ჩვენ არ გვაქვს საკმარისი ვაქცინები. ჩვენ ვაქცინაციას იმაზე სწრაფად ვატარებთ, ვიდრე ლოს-ანჯელესში შრატის ახალი ფლაკონები ჩამოდის. მე ამის გამო, ძალიან შეშფოთებული ვარ“ – განაცხადა ქალაქის მერმა, ერიკ გარსეტიმ.

ვაქცინაციისთვის განკუთვნილი სივრცეები მიმდინარე კვირის, პარასკევსა და შაბათს დაიკეტება. გამოცემის ცნობით, ლოს-ანჯელესის მერს მათი ხელახლა გახსნა მომდევნო კვირის სამშაბათი-ოთხშაბათისთვის უნდა.

წყაროს მიხედვით, ამ კვირაში, ქალაქს კორონავირუსის ვაქცინის 16 000 ახალი დოზა გადაეცა. ადგილობრივი ექიმები, დღეში დაახლოებით, 13 000 მოქალაქეს ცრიან. მთლიანობაში, ლოს-ანჯელესის მოსახლეობისთვის, სულ, ვაქცინის 293 000-ზე მეტი დოზა გაიცა.