მაიკ პომპეოს მოადგილესა და ოპოზიციას შორის შეხვედრა გაიმართება.
როგორც საქართველოს მესამე პრეზიდენტი, მიხეილ სააკაშვილი ამბობს, შეხვედრა გაუთვალისწინებლად ჩაინიშნა.
„მივესალმები, რომ ჩაინიშნა გაუთვალისწინებელი შეხვედრა სახელმწიფო მდივნის მოადგილესთან – ფილიპ რიკერთან, რომელიც ყველაზე მაღალი დონის დიპლომატია ევროპის და გარშემო დიდ რეგიონში აშშ-ს მხრიდან, რომელიც კონკრეტულად აღჭურვილია უფლებამოსილებით ეს საკითხები გადაწყვიტოს. შეხვედრა არ იყო გათვალისწინებული ოპოზიციასთან, არ იყო პროტოკოლში, რაც რა თქმა უნდა ჩემი აზრით, არ იყო სწორი – ახლა ის ჩაინიშნა.
ეს ძალიან მრავლისმეტყველი ფაქტია, ოპოზიციის წარმომადგენლების ერთიანობაზე და სიმტკიცეზეა უკვე ყველაფერი დამოკიდებული“,- ამბობს მიხეილ სააკაშვილი.
ცნობისთვის, დღეს მაიკ პომპეო საქართველოს პრეზიდენტს, პრემიერს, საგარეო სამქეთა მინისტრს, პატრიარქსა და არასამთავრობო ორგანიზაციების წარმომადგენლებს შეხვდა.
მაიკ პომპეომ მეუღლესთან ერთად საქართველო უკვე დატოვა.
