WHO-ს საგანგებო პროგრამების აღმასრულებელი დირექტორის, მაიკ რაიანის განცხადებით, არ არსებობს ჯადოსნური ჯოხი, რომლის მოქნევითაც კორონავირუსი გაქრება. ინფორმაციას ამის შესახებ CNN-ი ავრცელებს.
„არ არსებობს ჯადოსნური პასუხები, არც არანაირი შელოცვები. ღვთაებრივი გზით მისი მოშორება არ შეგვიძლია“,- განაცხადა რაიანმა.
როგორ რაიანმა აღნიშნა, პანდემიასთან ბრძოლის ერთადერთი საშუალება არსებული ხელმისაწვდომი რესურსების გამოყენებაა.
„ჩვენ უკვე შევისწავლეთ უამრავი ქვეყნის მაგალითი. შეხედეთ მათ, რომლებმაც იმოქმედეს და დაავადებაზე კონტროლის აღება მოახერხეს. ასე იპოვით და აღმოაჩენთს პასუხებს“,- აღნიშნა მან.
WHO-ს დაავადებათა დანაყოფის ხელმძღვანელმა, ვან კერკჰოვმა განაცხადა, რომ „კორონავირუსის გადაცემის კონტროლი მთლიანად ჩვენს ხელშია“.
„ჩვენ ყველა საჭირო ინსტუმენტი გვაქვს, ვირუსის გადაცემის ჩახშობა შეგვიძლია“,- განაცხადა მან.
