მეორე ტალღა პირველთან შედარებით, სავარაუდოდ, უარესი იქნება, – ამის შესახებ საფრანგეთის პრეზიდენტმა, ემანუელ მაკრონმა განაცხადა. ინფორმაციას Guardian-ი ავრცელებს.
მისი თქმით, კორონავირუსი იმაზე სწრაფად ვრცელდება, ვიდრე ვარაუდობდნენ და ამიტომ ახალი ზომების მიღებაა საჭირო.
მაკრონის პროგნოზით, ნოემბრის შუა რიცხვებში ინტენსიური თერაპიის განყოფილებაში ყველა საწოლი შევსებული იქნება. ამიტომ, მისი თქმით, ზომების შემოღება აუცილებელია, რათა ექიმები არჩევნის წინაშე არ დადგნენ თუ ვინ გადაარჩინონ.
„ჩვენ გარშემორტყმულები ვართ ვირუსის მეორე ტალღით, რომელიც პირველთან შედარებით, უფრო რთული და ფატალური იქნება“,- განაცხადა მაკრონმა.
შეგახსენებთ, რომ კორონავირუსის ეპიდემიის მეორე ტალღის ფონზე, კარანტინის რეჟიმი საფრანგეთში 30 ოქტომბრიდან გამოცხადდება.
