ერთ-ერთი იყო მიმდინარე პოლიტიკური საკითხები, მეორე და ძალიან მნიშვნელოვანი იყო 2022 წლის ბიუჯეტის საკითხი, რომელსაც პარლამენტი განიხილავს, – ამის შესახებ საპარლამენტო ფრაქცია „ქართული ოცნების“ თავმჯდომარე მამუკა მდინარაძემ დღეს, პარტიის ოფისში გამართულ ბრიფინგზე განაცხადა.
„პარლამენტის რეგლამენტის მიხედვით, 2022 წლის ბიუჯეტი შენიშვნებით დაუბრუნდება მთავრობას და უკვე 22 ნოემბერს მთავრობამ კვლავ უნდა მიმართოს პარლამენტს ბიუჯეტის დამტკიცების შესახებ და ჩვენ დეტალურად განვიხილავთ ყველა საკითხს. ვცდილობთ, რომ სახელმწიფო ბიუჯეტი მაქსიმალურად იყოს მორგებული მოქალაქეების საჭიროებებზე. უნდა აღინიშნოს, რომ უპრეცედენტოდ მაღალი მაჩვენებელი იყო საქართველოს მთავრობის მიერ პარლამენტის რეკომენდაციების გათვალისწინების“, – აღნიშნა მდინარაძემ.
