„კოვიდის მიუხედავად, ადმინისტრაციულ საზღვართან განახლებულია დაძაბულობა. ბოლო ორი თვის განმავლობაში თითქმის ყოველდღე მძევლების აყვანის ახალი შემთხვევებია“,- ამის შესახებ პრეზიდენტმა სალომე ზურაბიშვილმა განაცხადა.
მისი თქმით, ის პირად პასუხისმგებლობაზე აიყვანს მსგავს შემთხვევებს და „ბრძოლის წინა ხაზზე“ იქნება.
„პირდაპირი შეტევა ლუგარის ლაბორატორაზე, რომელიც არის ეპიდემიასთან გამკლავების პირდაპირი ამოსავალი წერტილი. კოვიდის მიუხედავად, ადმინისტრაციულ საზღვართან განახლებულია დაძაბულობა. ბოლო ორი თვის განმავლობაში თითქმის ყოველდღე მძევლების აყვანის ახალი შემთხვეებია. „ბორდერიზაცია“ გრძელდება. ნაწილობრივ გაიხსნა გადასასვლელი პუნქტები, ამან მოიტანა მძიმე ჰუმანიტარული სიტუაცია გამყოფი ხაზის იქით მცხოვრები მოქალაქეებისთვის. პირადად ვარ შეშფოთებული, რომ ქვეყნის მიერ კოვიდის სამაგალითო მართვა ნამდვილად არ აისახება სტაბილურობაზე. მე პირად პასუხისმგებლობას ვაცხადებ, რომ მაქსიმალურად ვეცდები და ვიქნებ ამ ბრძოლის წინა ხაზზე. მოგიწოდებთ, რომ იყოთ ყურადღებიანები ნებისმიერ ასეთ მცდელობასთან დაკავშირებით, რომელიც უნდობლობას და გაუგებრობას იწვევს საქართველოსა და პარტნიორებს შორის,“ – განაცხადა სალომე ზურაბიშვილმა.
შეგახსენებთ, რომ კასპის მუნიციპალიტეტში არსებული სხვილოს ციხის მიმდებარე ტერიტორიაზე საოკუპაციო რეჟიმის წარმომადგენლებმა ზაზა გელხაური 11 ივლისს დაჭრეს და გაიტაცეს.
