მარნეულის მუნიციპალიტეტში ივლისის თვის მონაცემებით, რისკ ჯგუფებში შემავალ 700-მდე პირს კორონავირუსზე ტესტები ჩაუტარდა.

მარნეულის მუნიციპალიტეტის, დაავადებათა კონტროლისა და საზოგადოებრივი ჯანდაცვის ცენტრის ხელმძღვანელის ეთერ ლაფერაძის თქმით, ტესტები ძირითადად, შინაგან საქმეთა სამინისტროს წარმომადგენლებს, ექიმებსა და ექთნებს გაუკეთდათ.

„მარნეულის მუნიციპალიტეტში 700 -მდე ადამიანს, რომლებიც რისკ ჯგუფებს წარმოადგენენ ტესტები გავუკეთეთ. ყველას პასუხი უარყოფითია. ჩვენ ყოველდღიურ რეჟიმში ვაკეთებთ ტესტებს. დღესაც გაკეთებული ტესტების პასუხები უარყოფითი იყო“, – განაცხადა ეთერ ლაფერაძემ.

ამ დროის მონაცემებით მარნეულში სულ 33 კოვიდინფიცირებულია დაფიქსირებული და მათგან ყველა გამოჯანმრთელდა.

ხოლო დღეის მონაცემებით საქართველოში სულ 1049 დადებითი შემთხვევაა დაფიქსირებული, აქედან 903 გამოჯანმრთელდა ხოლო 16 გარდაიცვალა.

ავტორი: მარიამ ქველაძე

გარდაბნის მუნიციპალიტეტის სოფლების ჩაკეტვა ამ ეტაპზე არ იგეგმება – გამყრელიძე