ნაკლებად დამაჯერებლად გამოიყურება, რომ „ქართული ოცნება“ მართლმსაჯულების რეფორმის გეგმით შემოვა ოპოზიციის მაგიდასთან, მაგრამ მართლმსაჯულების რეფორმაზე ბიძინა, რომ წამოვიდეს, რა თქმა უნდა „გირჩი“ შევა პარლამენტში, – ამის შესახებ „გირჩის“ წევრმა, იაგო ხვიჩიამ განაცხადა.
„ზურა ჯაფარიძემაც ამ კონტექტსში თქვა, როცა კითხვა იყო. რეალურად კითხვა იყო, ერთადერთი პირობის გარდა, ბუნებაში თუ არსებობს სხვა პირობები, რის გამოც „გირჩი“ შევა პარლამენტში, ზურა ჯაფარიძემ თქვა, რომ არ გვჯერა, მაგრამ მართლმსაჯულების რეფორმაზე ბიძინა, რომ წამოვიდეს, რა თქმა უნდა „გირჩი“ შევა პარლამენტში, ეგ პირადად ჩემთვის პოლიტიკური მიზანია, ეგ თუ აღსრულდა შეიძლება პოლიტიკიდანაც წავიდე, თუ საჭიროა შევალ პარლამენტში ან არ შევალ, მიზანი მიღწეული მექნება, უბრალოდ არასერიოზულია ახლა „ქართული ოცნებისგან“ მართლმსაჯულების რეფორმაზე საუბარი,“- აცხადებს ხვიჩია.
კითხვაზე კი, აღნიშნულ შემთხვევაში, სხვა პარტიებიც თუ შევლენ პარლამენტში, იაგო ხვიჩია აცხადებს, რომ „მართლმსაჯულების რეფორმა, რაზეც ოპოზიცია შეთანხმდა, ეგ რომ „ქართულმა ოცნებამ“ დადოს მოლაპარაკების მაგიდაზე, დარწმუნებული ვარ, ყველა ოპოზიციური პარტია შეთანხმდება, რომ შევიდეს პარლამენტში“.
