მარტვილის მუნიციპალიტეტის მერიასთან სოფელ ნალეფსაოდან ჩამოსული მოსახლეობა იმყოფება. მათი თქმით, მთავარი ხიდი, რომელიც ქალაქს უკავშირდება, ამ დრომდე არ გაკეთებულა.
ხიდის მშენებლობის სამუშაოები 2020 წელს დაიწყო, თუმცა, რამდენიმე თვეა შეჩერებულია.
ადგილზე მისულ მოქალაქეებთან მოსალაპარაკებლად მარტვილის მერის პირველი მოადგილე, ალექსანდრე ხურცილავა და მარტვილის მერი, ალექსანდრე გრიგალავა მივიდნენ.
მარტვილის მერის მოადგილის განმარტებით, სამუშაოების შეჩერება უამინდობამ გამოიწვია და უახლოეს დღეებში განახლდება, ხოლო მოსახლეობას სხვა ალტერნატიული შემოვლითი გზით შეუძლია ისარგებლოს, რითაც ისინი ქალაქის ცენტრალურ ნაწილს დაუკავშირდებიან.
ავტორი: თეა შონია
