გომის მთაზე, სავარაუდოდ, მაშველები იმ ტერიტორიაზე იმყოფებიან, სადაც ბიჭების ბოლო ლოკაცია იყო. მათ ახალგაზრდების ზურგჩანთები იპოვეს.
ინტენსიურად მიმდინარეობს სამძებრო სამაშველო სამუშაოები.
ადგილზე მობილიზებულია საჭირო ტექნიკა და ცოცხალი ძალა. თუმცა, იმის გამო, რომ თოვლის საფარი თითქმის სამ მეტრს აღწევს, ჯერ კიდევ ინტენსიურად თოვს და ქარბუქია, სამაშველო სამუშაოები რთულდება.
შეგახსენებთ, რომ დღეს დილით ახალგაზრდა მამაკაცმა სამაშველო სამსახურში დარეკა, ის შველას ითხოვდა. ოთხი ბოხვაურელი ახალგაზრდა გუშინ გომის მთაზე სანადიროდ წავიდნენ, მაგრამ ქარბუქში მოხვდნენ. წინასწარი ინფორმაციით დაღუპულია 24 წლის ახალგაზრდა მამაკაცი. ორის მდგომარეობა კი მძიმეა.
ავტორი: ნინე ულუმბელაშვილი
