საქართველოში კორონავირუსით ინფიცირებული მძიმე პაციენტების რიცხვი 3-ით გაიზარდა და 28 გახდა.

როგორც თბილისის ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ განაცხადა, აქედან 26 მართვით სუნთქვაზე იმყოფება.

„ამჟამად, კლინიკებში მკურნალობას 3 072 პაციენტი გადის. 28 კრიტიკულად მძიმეა, აქედან 26 მართვით სუნთქვაზე იმყოფება. რვა პაციენტი გადმოყვანილი ოკუპირებული აფხაზეთიდანა“, – განაცხადა მარინა ენდელაძემ.

საქართველოში ბოლო 24 საათში კორონავირუსის 326 ახალი შემთხვევა გამოვლინდა, 1 პაციენტი გარდაიცვალა, 796 კი, გამოჯანმრთელდა.