უკრაინიდან ექსტრადირებლი მეგის ქარდავას რუსთავის მეთორმეტე დაწესებულებაში მოათავსებენ. ამის შესახებ სპეციალური პენიტენციური სამსახურის გენერალურმა დირექტორმა, ნიკა ცხვარაშვილმა განაცხადა.
მისი თქმით, ქარდავას ექსტრადირებამ დადგენილი წესებით, გართულებების გარეშე ჩაიარა.
„იუსტიციის სამინისტროს სპეციალურმა პენიტენციურმა სამსახურმა განახორციელა მეგის ქარდავას ექსტრადირება უკრაინის სახელმწიფოდან.
ექსტრადირების პროცესმა ჩაიარა დადგენილი წესებით, გართულებების გარეშე. ამჟამად მეგის ქარდავა შესახლებული იქნება რუსთავის 12-ე დაწესებულებაში და წარიმართება სხვადასხვა პროცესი, რაც არის დადგენილი კანონმდებლობით“, – განაცხადა ნიკა ცხვარაშვილმა.
ცნობსითვის, 8 წლიანი ძებნის შემდეგ, მეგის ქარდავა საქართველოს გადმოეცა. ყოფილი მაღალჩინოსნის ექსტრადირების საბოლოო გადაწყვეტილება უკრაინის სასამართლომ 13 სექტემბერს მიიღო.
