საპარლამენტო უმრავლესობის წევრი ირაკლი ზარქუა „ერთიანი ნაციონალური მოძრაობის“ თავმჯდომარის, ნიკა მელიას დაკავებას ევროპული სტანდარტის საპოლიციო ღონისძიებას უწოდებს.
„მიუხედავად იქ გამაგრებული გარკვეული ჯგუფებისა, მაინც მოხდა სასამართლო გადაწყვეტილების აღსრულება ფაქტობრივად წიწაკის სპრეის დახმარებით. ეს მიუთითებს თქვენს პროფესიონალიზმზე, რომ მეტი საჭიროება არ იყო. კითხვა პროპორციულობასთან დაკავშირებით დაისვა და ეს მეც მაინტერესებს. აქვე მინდა, ხაზი გავუსვა და კიდევ ერთხელ ვთქვა, შექების ღირსია თითოეული მაშველი, თითოეული მესაზღვრე, განსაკუთრებით, ჩვენი პოლიციელები, რომლებიც დაუმსახურებელი კრიტიკისა, თუ შეურაცხყოფის, ლანძღვისა და გინების მიუხედავად მაინც დისციპლინირებულად და მოთმინებით იცავენ საზოგადოებრივ წესრიგს. მე მგონი, როცა იცავ საზოგადოებრივ წესრიგს, იცავ კანონებს, ხარ სახელმწიფო და ჩვენ სახელმწიფოს ვიცავთ“, – განაცხადა ზარქუამ.
