ყოფილ პრემიერს, ვანო მერაბიშვილის პარტიის რიგებში ყოფნა არ განიხილება, რადგან მას გადაწყვეტილება თავად არ მიუღია. ამის შესახებ „ნაციონალური მოძრაობის“ ლიდერმა, გრიგოლ ვაშაძემ „TVპირველის“ ეთერში ისაუბრა.
“ვანო მერაბიშვილს გადაწყვეტილება თვითონ არ მიუღია, შესაბამისად არავითარი მიზეზი და საბაბი არ არის ამ საკითხის განხილვის. ადამიანმა 7 წელი გაატარა საპყრობილეში, კონსტიტუციის, სახელმწიფოს, საზოგადოების და მოქალაქის წინაშე სუფთაა, იმაზე ნუ შევალთ დავაში ვინ როგორ ვთვლით, ეს ბრალდებები მართლა მოტივირებული იყო თუ არა”, – თქვა გრიგოლ ვაშაძემ.
მიხეილ სააკაშვილმა დიმიტრი გორდონთან ინტერვიუში თქვა, რომ ვანო მერაბიშვილის სახალხო არჩევნებში გამარჯვებისთვის ემზადება.
რამდენიმე დღის წინ გავრცელდა ინფორმაცია, რომ ვანო მერაბიშვილი ნაციონალური მოძრაობის მაჟორიტარობის ერთ-ერთი კანდიდატი იქნებოდა.
მათი ინფორმაციით, მერაბიშვილი სამცხე-ჯავახეთის ერთ-ერთ ოლქში (ახალციხის, ბორჯომის, ადიგენისა და ასპინძის მუნიციპალიტეტები) იქნებოდა კანდიდატი.
