ანგელა მერკელი მეზობელ ავსტრიას ისლამისტური ტერორიზმის წინააღმდეგ ბრძოლაში სოლიდარობას უცხადებს. ინფორმაციას Reuters-ი ავრცელებს.
„ამ საშინელ საათებში, როდესაც ვენა ტერორისტული ძალადობის სამიზნე გახდა, ვფიქრობ იქ მყოფ ადამიანებზე და უსაფრთხოების ძალებზე, რომლებიც საფრთხის წინაშე არიან.
ჩვენ, გერმანელები სოლიდარობას ვუცხადებთ ავსტრიელ მეგობრებს. ისლამისტური ტერორიზმის წინააღმდეგ ბრძოლა ჩვენი საერთო ბრძოლაა“, – განაცხადა მერკელმა.
შეგახსენებთ, რომ ვენაში თავდასხმა 2 ნოემბერს, ადგილობრივი დროით 20:00 საათზე მოხდა. პოლიციის ინფორმაციით, შეიარაღებულმა პირმა ცეცხლი სხვადასხვა ლოკაციაზე გახსნა, მათ შორის ერთი სინაგოგის მიმდებარე ტერიტორია იყო.
