ოპოზიციასა და ხელისუფელაბს შორის მოლაპარაკების მესამე რაუნდი დასრულდა. შეხვედრის შემდეგ „სტრატეგია არმაშენებლის“ ლიდერმა, გიორგი ვაშაძემ გააცხადა, რომ იგი „ფრთხილი ოპტიმიზმით“ არის განწყობილი.
„ოპოზიციური ერთობა არის ის მექანიზმი, რომლითაც შეიძლება მნიშვნელოვანი ცვლილებები მოხდეს ქვეყანაში.
მე არ შემიძლია საჯაროდ საუბარი ბევრ საკითხზე, ჩვენ ოპოზიციის შიგნით განვიხილავთ ამ საკითხებს, თუმცა მეც დავიღალე იმით, რომ საჯაროდ არ შეგვიძლია განვიხილოთ საკითხები, ამის დროც მოვა. ფრთხილი ოპტიმიზმით ვიქნები განწყობილი ამ შეხვედრის შემდეგ. საბოლოო ჯამში, შეთანხმება უნდა შედგეს. შეთანხმების გარეშე ვინმე პარლამენტში შესვლას არ განიხილავს“,- განაცხადა გიორგი ვაშაძემ.
ცნობისთვის, დღეს ოპოზიციასა და ხელისუფლებას შორის მოლაპარაკების მესამე რაუნდი გაიმართა.
