“ციხეში დაჭერა არ მინდა, მაგრამ ძალიან ცუდად იქცევიან, პოლიტიკოსებს ბევრს ვიცნობ, მაგრამ ამათ პოლიტიკოსობისას ვერაფერს ვერ ვატყობ”, – ამის შესახებ ბოდბელმა მთავარეპისკოპოსმა, მეუფე იაკობმა სადღესასწაულო წირვის შემდეგ ჟურნალისტებთან ნიკა მელიას შესაძლო დაკავებაზე კითხვის საპასუხოდ განაცხადა.
მეუფე აცხადებს, რომ თუ ქვეყანაში ხელახალი არჩევნები დაინიშნება, რომელიმე პოლიტიკურ პარტიას მხარს დაუჭერს.
“ხელახალი არჩევნები რომ ჩატარდეს გგონიათ მარტო ამ ძალებს დავტოვებთ? ჩვენ დავუჭერთ მხარს რომელიმეს.
პოლიტიკაში გათვლებიც, რომ არ იციან, ხელისუფლება ყოველთვის იღებს ხმების რაღაც რაოდენობას, 30 %-მდე ყოველთვის შეუძლია აიღოს, კარგად გადახედეთ რამდენი დაგვიჭერს მხარს თუ კონკრეტულ ძალაზე ჩამოვყალიბდებით”, – განაცხადა მეუფე იაკობმა.
