მინდა, გამოვეხმაურო რამდენიმე საკითხს, რაც აქ პოლიტიკური განცადებების დროს გაკეთდა. განსაკუთრებით ბატონი ალეკო ელისაშვილის გასაგონად მინდა, რამდენიმე საკითხზე გავამახვილო ყურადღება. გავბედავ და ამას აუცილებლად დავარქმევ პოლიტიკურ უმწიფრობას, როდესაც აბოსლუტურად უცნაური შეხედულებებია ხელისუფლების დანაწილების პრინციპიდან დაწყებული, სასამართლო ხელისუფლების ადგილისა და როლით, ასევე იუსტიციის მინისტრის შესაძლებლობებით დამთავრებული, – ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, მიხეილ სარჯველაძემ განაცხადა.
მისივე თქმით, ისტიტუციური დემოკრატიის განვითარების მხრივ საქართველოს ისტორიის მანძილზე იმდენი არ გაკეთებულა, რაც ბოლო წლებში განხორციელდა. თუმცა, როგორც სარჯველაძე ამბობს, ამ მიმართულებით კვლავაც ბევრია გასაკეთებელი და მუშაობა უნდა გაგრძელდეს.
„რაც შეეხება შეფასებებს სასამართლო რეფორმებთან დაკავშირებით, პრინციპში, ამაზე მეტყველებს სამი ტალღა რეფორმებისა, რომლებიც ჩატარდა და რომელიც არა მხოლოდ აღიარებულია წარმატებულ რეფორმებად, არამედ ბევრ შემთხვევაში, კონკრეტული ფაქტის დონეზე არსებობს განხილვადი მტკიცებულებები, რომლებიც სრულიად საპირისპიროს ამბობს.
ახლა როგორიც არ უნდა იყოს აგდებული ლაპარაკი რომელიმე პოლიტიკოსის მხრიდან, ამ ფაქტს ვერც ერთ შემთხვევაში ვერ გადაფარავს. რასაკვირველია, ეს არის ფუჭი მცდელობა, თუნდაც იმ შესაძლებლობების, ღვაწლის დაკნინება მოხდეს, რაც ამ შემთხვევაში იუსტიციის სამინისტრომ, პირველ რიგში, კი თეა წულუკიანმა ამ ქვეყნის საკეთილდღეოდ განახორციელა. რის შედეგადაც, სასამართლოს ხელისუფლება, ის რაც კონსტიტუციური ღირებულებაა თანამედროვე ქვეყნებისთვის, თავის ადგილას დადგა. მაგალითად, ინსტიტუციური დემკრატიის განვითარების მხრივ ამდენი საქართველოს ისტორიის მანძილზე არ გაკეთებულა სასამართლო ხელისუფლების დამოუკიდებლობისთვის. ამდენად, რასაკვირველია, უნდა ვთქვათ, რომ ხელები შორს რეფორმებთან მიმართებით, რომლებიც რეალურად განხორციელდა და მივიღეთ ის, რასაც უკეთესი მართლმსაჯულება ჰქვია. თუმცა, მომავალშიც უნდა გაგრძელდეს, მაგრამ სტარტი, რა თქმა უნდა, იმედისმომცემია“, – განაცხადა მიხეილ სარჯველაძემ.
„მოქალაქეების“ ლიდერმა, ალეკო ელისაშვილმა პარლამენტის პლენარულს სხდომაზე განაცხადა, რომ ყველაზე მეტად ეიმედებოდა ერთი გოგო, რომელიც სტრასბურგის სასამართლოში მუშაობდა და ლამის ხოტბას აღუვლენდა ხოლმე. ელისასვილის თქმით, მან ჩააფლავა მართლმსაჯულება.
