საქართველოში კორონავირუსის მორიგი რეკორდული მაჩვენებელი – 448 ახალი შემთხვევა დაფიქსირდა. ინფექციონისტები ღიად საუბრობენ, რომ ქვეყანაში კორონავირუსის შემთხვევათა რაოდენობა კიდევ უფრო მოიმატებს და მეტიც, საქართველოში ვირუსი სომხეთის მსგავსად გავრცელდება.
როგორც „პრაიმტაიმნიუსთან“ საუბრისას ინფექციონისტმა მაია ბუწაშვილმა განაცხადა, კორონავირუსი გავრცელების მხრივ, საქართველო სომხეთში არსებულ ვითარებას უახლოვდება.
„საქართველოში ვირუსის გავრცელება პიკისკენ მიდის. ვირუსის რაოდენობა კიდევ უფრო მოიმატებს, თუმცა რამდენ ხანს გაგრძელდება მატება, ამის პროგნოზირება ძნელია. მოსახლეობის გარკვეული ნაწილი იქნება მოცული ამ ინფექციით. დაახლოებით, ჩვენ სომხეთისთვის მსგავს ვითარებას მივიღებთ, თუმცა გარკვეულ მომენტში მიიღწევა სტაბილიზაცია.
ჩვენ რეალურად, შემთხვევების რაოდენობით, სამწუხაროდ, თითქმის სომხეთისთვის მაგალითს ვუახლოვდებით, იმედი მაქვს რომ ჯანდაცვის სისტემა იმაზე უფრო მომზადებული დახვდება ვირუსს, ვიდრე სომხეთში დახვდა. ამიტომ იმედი მაქვს რომ ჩვენთან უკეთესად მოხდება პაციენტების მკურნალობა და შედეგი სომხეთზე უკეთესი იქნება“,- განაცხადა ბუწაშვილმა.
ინფორმაციისთვის, დღეს საქართველში კორონავირუსის მორიგი რეკორდული მაჩვენებელი – 428 ახალი შემთხვევა დაფიქსირდა.
