„მხოლოდ იმას ვნანობ, რომ ეს სამაჯური ადრე უნდა მომეწყვიტა და მომეშორებინა“ – ამის შესახებ „ენმ-ს“ ერთ-ერთმა ლიდერმა ნიკა მელიამ განაცხადა.
„პრაქტიკულად აღიარეს, რომ წელიწადნახევრის განმავლობაში სამაჯურიც ტყუილად მეკეთა, ნებისმიერი შეზღუდვაც ტყუილად მქონდა დაწესებული, როგორიც არის, მაგალითად, პასპორტის ჩამორთმევა, რადგან მე მეკრძალებოდა წელიწადნახევრის განმავლობაში საზღვარგარეთ გასვლა.
გარა ამისა, სახლში რაღაც დანადგარი მიყენია, რომელიც აკონტროლებს ჩემს შესვლა- გამოსვლას სახლში და ამასთანავე, სასამართლოს გადაწყვეტილებით, აკრძალული მქონდა საზოგადოებრივი თავშეყრის ადგილებზე სიტყვით გამოსვლა ანუ მიტინგზე გამოსვლის უფლება არ მქონდა.
მაგრამ უკანასკნელი თვეების განმავლობაში ამ ყველაფერს, გარდა საზღვარგარეთ გასვლისა, ვაკეთებდი და როგორც ჩანს, დარწმუნდნენ საკუთარ უსუსურობაში და ეს ყველაფერი გააუქმეს ანუ პასპორტსაც კი მიბრუნებენ, ის დანადგარი სახლიდან მიაქვთ. მხოლოდ იმას ვნანობ, რომ ეს სამაჯური ადრე უნდა მომეწყვიტა და მომეშორებინა.
ხელისუფლება ნამდვილად ჩამოშლილია, ამაში დავრწმუნდი. ასევე, გავიმარჯვებთ ძალიან ცოტა ხანში, ძალიან ბევრ საქართველოს მოქალაქესთან ერთად და ივანიშვილს დავანიშნინებთ ახალ არჩევნებს -ან მოუწევს მას აღიარება, რომ ამ ქვეყანაში არჩევნები არ ჩატარებულა და ამას მოჰყვება ახალი არჩევნები, ან უბრალოდ, მოუწევს შედეგების გასწორება, რასაც არ გააკეთებს საზოგადოების ზეწოლის გარეშე, მაგრამ საზოგადოება განახორციელებს პოლიტიკურად მომაკვდინებელ მშვიდობიან ზეწოლას ივანიშვილის ხელისუფლებაზე და ასე, ერთ მშვეიერ დღეს, ყველა პროკურორი გახდება კანონმორჩილი, ყველა მოსამართლე გახდება კანონმორჩილი და ბიძინა ივანიშვილიც დაკარგავს ხელისუფლებას“, – განაცხადა ნიკა მელიამ.
