,,გრძელდება შეხვედრები, ყველა საკითხი არის ერთიმეორეზე მნიშვნელოვანი და ბედნიერი ვარ, რომ მაქვს ამის შესაძლებლობა. აქ არ ეხება საქმე მხოლოდ ერთ საკითხს, იმას, თუ რა გადაწყვეტილებას მიიღებს უახლოეს მომავალში ,,ნაციონალური მოძრაობა”, სხვა კიდევ უფრო მნიშვნელოვან საკითხებს ვეხებით, რომელიც გულისხმობს შემდეგს”,- ამის შესახებ„ერთიანი ნაციონალური მოძრაობის“ თავმჯდომარემ ნიკა მელიამ გორში მხარდამჭერებთან შეხვედრაზე განაცხადა.
“რას და რა გეგმით ვუპირისპირებთ რეჟიმს, რომელსაც ამოწურა საკუთარი რესურსი. ჩემი აზრით, ეს არის ყველაზე მნიშვნელოვანი და გასაგებიც არის ყველასთვის, რომ ამ ტიპის შეხვედრების გარეშე, გუნდი საერთო სტრატეგიაზე ვერ და არსად ყალიბდება. ისინი, ვისაც აქვთ გადაწყვეტილი, რომ გუნდურად იასპარეზონ, ერთმანეთთან კომუნიკაციის გარეშე გადაწყვეტილებებს არ იღებენ. დღეს მაქვს შესაძლებლობა გორში, რომ თანაგუნდელებს ვესაუბრო და მივიღოთ გადაწყვეტილება არა ერთ, არამედ რამდენიმე მნიშვნელოვან საკითხზე”, – განაცხადა მელიამ.
