„გირჩის“ მმართველი საბჭოს წევრი ვახტანგ მეგრელიშვილი განმარტავს, თუ რა შემთხვევაში ექნება აზრი მეორე ტურის ჩატარებას.
მისი თქმით, მეორე ტური ერთადერთი მშვიდობიანი გამოსავალია ხელისუფლებისთვის და მისაღები გამოსავალი შეიძლება გახდეს ოპოზიციისთვის.
„მეორე ტური, მე მგონია, ერთადერთი, მშვიდობიანი გამოსავალი ხელისუფლებისთვის და მისაღები გამოსავალი შეიძლება გახდეს ოპოზიციისთვის, თუ ამას ის გულწრფელად გააკეთებს და მეორე ტურებს ფაქტობრივად შეთანხმება იქნება პოლიტიკური, არასამართლებრივი, არარაოდენობრივი დათვლა, არამედ ოპოზიციას და ხელისუფლებას შორის შეთანხმება.
მოდით, დავცხოთ მეორე ტურში და ვინც გაიმარჯვებს, ხელისუფლება იმის იყოს და თუ გვინდა შევიდეთ პარლამენტში ყველანი, რომც ოპოზიციამ წააგოს, შევალთ, ოღონდ რომ მოვიგოთ, მაინც არ იქნება სამართლიანი, იმიტომ რომ ეს არჩევნები არ არის სამართლიანი“, – განაცხადა მეგრელიშვილმა „ღამის კურიერში!“ სტუმრობისას.
