“ნაციონალური მოძრაობის” წევრი, ხატია დეკანოიძე ნინუცა მაყაშვილის მიმართ მეუღლის, ბესო ზანგურის მხრიდან სავარაუდო ძალადობას სოციალურ ქსელ „ფეისბუქზე“ ეხმაურება.
დეკანოიძე ბესო ზანგურის დასჯას ითხოვს.
“მოძალადე მსახიობი უნდა დაისაჯოს! დარწმუნებული ვარ, კიდევ ტანჯავს და აწამებს, ამიტომ არავითარი ხანდაზმულობა ამ საქმეზე ვერ გავცრელდება.
გამოძიების ვალია, გამოკითხოს მოწმეები და ადეკვატური კანონის აღსრულება დააყენოს ამ მშიშარა, უბადრუკი კაცის მიმართ.
ვინც ამ საზიზღარ მოძალადეს დაიცავს – თვითონაც სამარცხვინოა!”, – წერს ხატია დეკანოიძე.
შეგახსენებთ, რომ მსახიობ ბესო ზანგურს ყოფილი მეუღლე ნინუცა მაყაშვილი ძალადობაში ადანაშაულებს.
ბესო ზანგური კი უარყოფს და აცხადებს, რომ ის ყოველგვარ ძალადობას ემიჯნება.
ამასთან, მსახიობი და ტელეწამყვანი ნინუცა მაყაშვილი შსს-ში დაიბარეს. ინფორმაციას თავად მაყაშვილი ადასტურებს.
