მოძრაობა „შეცვალე“ ჩხოროწყუში სახალხო დამცველის ჩასვლას ითხოვს. მოძრაობის ერთ-ერთმა წევრმა ოთო შენგელიამ ჟურნალისტებს განცხადა, რომ აუცილებელია ნინო ლომჯარია დაუყოვნებლივ ჩავიდეს რაიონში.

„ჩვენი მოთხოვნა უცვლელია, რომ დაისაჯოს ყველა მონაწილე პირი და გადადგეს მუნიციპალიტეტის მერი, რომლის ახლო ნათესავმა, რომელიც სამსახურიდან იყო გაშვებული 31 დეკემბერს და მოახერხა ბავშვები შეეყვანა მერიაში. რიგითი მოქალაქე ვერ შეძლებს ამას. ჩვენ ვთხოვთ ქალბატონ ნინო ლომჯარიას ჩამოვიდეს ჩხოროწყუში. ეს არის ერთადერთი უწყება, რომელიც არის ხალხის სამსახურში, იქედან გამომდინარე, რომ ბავშვები მძიმე ფსიქოლოგიურ მდგომარეობაში არიან, ასევე ამას ემატება მშობლების მიმართ ზეწოლა და კიდევ უფრო დამძიმდა ფაქტი. შესაბამისად, ჩვენც არ გვინდა, რომ ვითარება კიდევ უფრო დაიძაბოს და ბავშვების ფსიქოლოგია უფრო არ შეირყეს. შესაბამისად, ვთხოვთ ქალბატონ ნინოს ადგილზე ჩამოვიდეს და გაეცნოს სიტუაციას და მასთანაც გავივლით კონსულტაციებს თუ რა სახით შეიძლება გავაგრძელოთ აქციები, იქედან გამომდინარე რომ ჩვენ არ ვაპირებთ აქციების შეწყვეტას და ის გაგარძელდება მანამ, სანამ არ შესრულდება ჩვენი მოთხოვნები“,- განაცხადა ოთო შენგელიამ.

ავტორი: თეა შონია

ეს ბავშვები რომ გაიზრდებიან იტყვიან, ამ ქალს უნდოდა სიკეთე ჩვენთვისო – ქალი, რომელმაც ჩხოროწყუში მოსწავლეებს ტუალეტების დაასუფთავებინა