აშშ-ს ელჩის რეზიდენციიდან გამოსულმა „ლეიბორისტული პარტიის“ თავმჯდომარემ შალვა ნათელაშვილმა უკვე გააკეთა განცხადება შეხვედრასთან დაკავშირებით და თქვა, რომ ოპოზიციასა და ხელისუფლებას შორის მოლაპარაკების პროცესში აშშ-ს საელჩო და ევროკავშირის წარმომადგენლობა ჩაერთო.
„როგორც მოსალოდნელი იყო სრულ პოლიტიკურ კრიზისში, რაც წარმოიშვა მასობრივად გაყალბებული არჩევნების შედეგად, რის გამოც ოპოზიციამ უარი განაცხადა პარლამენტში შესვლაზე აი ამ პროცესთა დარეგულირების ჩაერთვნენ ჩვენი მოკავშირეები, ამ შემთხვევაში ამერიკის შეერთებული შტატების საელჩო და ევროკავშირის წარმომადგენლობა. ეს ასე იყო წინა პერიოდშიც, როცა 8 მარტის მოლაპარაკება დაგვირგვინდა ხელშეკრულებით, რამაც შეცვალა პოლიტიკური მოდელი ქვეყნის მართვის და გადაგვიყვანა საპარლამენტო სისტემაზე და რა თქმა უნდა მოსალოდნელი იყო, რომ მეგობრები არ მიგვატოვებდნენ ახლა.
ჩვენ ჩვენს პოზიციაზე ვართ – პარლამენტში არ შევდივართ და ვითხოვთ ახალ არჩევნებს ახალი ადმინისტრაციით. მოლაპარაკებები დაწყებულია, მოთელვის შემდეგ დგება შედეგები, ვნახოთ, რა შედეგი დადგება. რაუნდები დაწყებულია, ერთი შეხვედრით რომ წყდებოდეს ასეთი გლობალური პრობლემები. ქუჩის აქციების მოხსნა არ იგეგმება. მზად ვართ მშვიდობიანი მოლაპარაკებებისთვის, მზად ვართ ბრძოლისთვის“, – განაცხადა შალვა ნათელაშვილმა.
კელი დეგნანის რეზიდენციაში შეხვედრა ამ დრომდე გრძელდება. შეხვედრას ოპოზიციური პარტიების ლიდერები, წინა მოწვევის პარლამენტის თავმჯდომარე არჩილ თალაკვაძე და ევროკავშირის ელჩი.
