Microsoft-ის დამფუძნებელი, ბილ გეიტსი მსოფლიოს მომავალი ორი საფრთხის შესახებ აფრთხილებს, რომელიც შესაძლოა, კორონავირუსზე უფრო საშინელი იყოს. ინფორმაციას ამის შესახებ dailystar-ი ავრცელებს.

გეიტსის თქმით,  ერთ-ერთი საფრთხე კლიმატის ცვლილებაა.

„კლიმატის ცვლილების გამო მსოფლიოში სიკვდილიანობის მაჩვენებელი ყოველწლიურად გაიზრდება“,- განაცხადა გეიტსმა.

გეიტსმა მეორე საფრთხედ ბიოტერორიზმი დაასახელა.

„ვისაც ზიანის მიყენება სურს, შეუძლია ვირუსი შექმნას. ეს კი ნიშნავს, რომ ამ მოვლენის წინაშე აღმოჩენის ალბათობა გაცილებით დიდია, ვიდრე ბუნებრივი ეპიდემიის წინაშე“, – აღნიშნა მან.

ასევე დაგაინტერესებთ ↓ რა შემთხვევაში დასრულდება პანდემია – რას ამბობ ბილ გეითსი

„მომავალ პანდემიებს კაცობრიობა ვერ შეაჩერებს, მაგრამ ჩვენ შეგვიძლია უფრო მეტად მომზადებულები დავხვდეთ მას და უფრო ნაკლები სიკვდილიანობა გვქონდეს, ვიდრე დღეს გვაქვს“,- განაცხადა გეიტსმა.

ცნობისთვის, 2015 წელს ბილ გეიტსმა TED talk-ში გამოსვლისას განაცხადა, რომ მსოფლიო მომავალი ეპიდემიისთვის მოუმზადებელი იყო.

გეიტსი საუბრობდა ვირუსზე, რომელიც გავრცელდებოდა და აღნიშნა, რომ ადამიანები მისთვის უნდა მომზადებულიყვნენ.

გეიტსის გამოსვლიდან 5 წლის შემდეგ მსოფლიო კორონავირუსის პანდემიამ მოიცვა.