ტელეკომპანია „ფორმულას” დაკვეთით ჩატარებული Edison Research-ის კვლევის მიხედვით, კითხვაზე, „საქართველოს მომავალზე რომ დაფიქრდეთ, კოალიციური მთავრობა გირჩევნიათ თუ ერთპარტიული მთავრობა?”

მოსახლეობის 70% ფიქრობს, რომ კოალიციური მმართველობა სჯობს, ხოლო 30% თვლის, რომ – ერთპარტიული.

საზოგადოებრივი აზრის გამოკითხვა 17 სექტემბერი – 7 ოქტომბრის პერიოდში, პირისპირ გამოკითხვის მეთოდით ჩაატარა.

კვლევის ფარგლებში ქვეყნის მასშტაბით (გარდა ოკუპირებული ტერიტორიებისა) შემთხვევითი შერჩევის ტიპით გამოიკითხა საქართველოში მცხოვრები საარჩევნო უფლების მქონე 18 წლისა და მეტი ასაკის 4 500 ადამიანი. შედეგების ცდომილება + – 1,5%-ია.