ენმ-ს წევრი თინა ბოკუჩავა რუსთაველის გამზირზე ძალადობრივ მოვლენებს ეხმაურება და დიპლომატიურ კორპუსს მიმართავს.
როგორც ბოკუჩავა ამბობს, პრემიერი ძალადობას და აგრესიას ახალისებს.
პრემიერ-მინისტრი, მთავრობის მეთაური, რომელიც უნდა იყოს ამ ქვეყანაში უსაფრთხოების, სტაბილურობის და ადამიანის უფლებების დაცვის გარანტი, პირდაპირ ახალისებს ამ ძალადობას და მოუწოდებს ძალადობრივი მოქმედებებისკენ.
მოვუწოდებთ დიპლომატიურ კორპუსს, საქართველოს საერთაშორისო მეგობრებს, დაუყოვნებლივ მოახდინოს უმკაცრესი რეაგირება, რადგან მსგავსი დაპირისპირება და ქაოსი არის ქვეყნისთვის უკიდურესად სახიფათო, – აცხადებს ბოკუჩავა.
ცნობისთვის, აქციაზე, რომელიც თბილისი პრაიდის წინააღმდეგ გაიმართა, დაძაბული ვითარებაა. აქციის მონაწილეებმა მედიის წარმომადგენლებს ფიზიკური შეურაცხყოფა მიაყენეს, რა დროსაც საპატრულო ეკიპაჟების მიერ ჟურნალისტებისა და ოპერატოპრების მშვიდ ადგილზე გადაყვანა გახდა საჭირო.
მოძალადეებმა დაარბიეს „სირცხვილიას“ და „თბილისის პრაიდის“ ოფისიც.
პრემიერმა განაცხადა, რომ “მიზანშეუწონელია” “ღირსების მარშის” გამართვა.
ამასთან, სამოქალაქო აქტივისტვი, გიგა მაქარაშილი აცხადებს, რომ ღირსების მარში მაინც ჩატარდება.
