საქართველოს პრემიერ-მინისტრ გიორგი გახარიას და ევროპისა და ცენტრალური აზიის რეგიონში მსოფლიო ბანკის ვიცე-პრეზიდენტის ანა ბიერდეს შეხვედრას მსოფლიო ბანკი სოციალურ ქსელ „ტვიტერში“ ოფიციალურ გვერდზე ეხმაურება.

მსოფლიო ბანკი აღნიშნავს, რომ საუბრის მთავარი თემები ვაქცინაციის გეგმები, რეფორმების დღის წესრიგი და ევროკავშირში საქართველოს ინტეგრაციის საკითხი იყო.

„საუბარი ასევე შეეხო მსოფლიო ბანკის შესაძლო დახმარებას პოსტპანდემიურ ეტაპზე ქვეყნის ეკონომიკის მდგრადი განვითარების მიმართულებით, რათა ხელი შევუწყოთ ქვეყნის ყველა მოქალაქის კეთილდღეობას”, – აღნიშნავს მსოფლიო ბანკი.

Anna Bjerde, @WorldBankECA VP, met today with @GakhariaGiorgi, Prime Minister of #Georgia, to discuss Georgia’s #vaccination plans, #reform agenda, #EU integration, and how @WorldBank can support Georgia’s resilient post-pandemic recovery to promote prosperity for all its people. pic.twitter.com/89efrVZJJK

— World Bank Europe and Central Asia (@WorldBankECA) February 5, 2021