„გლობალური პანდემიის წინააღმდეგ ვერავინ უფრო ეფექტური ინსტრუმენტი ვერ გამოიგონა, ვიდრე ნიღაბი, სოციალური დისტანცია და ელემენტარული წესების დაცვა“,- ამის შესახებ პრემიერ-მინისტრმა, გიორგი გახარიამ მთავრობის სხდომაზე განაცხადა.

მისი თქმით, ევროპის ბევრ ქვეყანაში დამყარდა ანტირეკორდები და საქართველოშიც გვაქვს ზრდა.

„გუშინ ბოლო 24 საათში მსოფლიოსი დამყარდა კიდევ ახალი ანტირეკორდი. 400 ათასზე მეტი ახალი ინფიცირებულია მსოფლიოში. ევროპის ბევრ ქვეყანაში დამყარდა ანტირეკორდები და საქართველოშიც გვაქვს ზრდა.

გლობალური პანდემიის წინააღმდეგ ვერავინ უფრო ეფექტური ინსტრუმენტი ვერ გამოიგონა, ვიდრე ნიღაბი, სოციალური დისტანცია და ელემენტარული წესების დაცვა. ამიტომ ჩვენ უნდა დავიცვათ ეს წესები, წინააღმდეგ შემთხვევაში, ინფიცირების გავრცელების ზრდა იქნება სწრაფი და მეტ ზიანს მიაყენებს როგორც ჩვენს ეკონომიკას, ისე მოქალაქეებს. ამიტომ უფრო მეტი პასუხიმგებლობა უნდა გამოვიჩინოთ და ვიზრუნოთ ერთმანეთზე“,- განაცხადა გიორგი გახარიამ.

ბოლო მონაცემებით, საქართველოში კოროანვირუსის 1595 ახალი შემთხვევა დაფიქსირდა. ასევე, გამოჯანმრთელდა 398 ადამიანი, გარდაიცვალა 6. 

კარანტინის რეჟიმში იმყოფება 4408 ადამიანი, სტაციონალური მეთვალყურეობის ქვეშ 3155 ადმიანი.