„მაქსიმალურად მტკიცედ და მშვიდობიანად მივაღწევთ შედეგს და ყველაფერს გავაკეთებთ, რომ მშვიდობიანი მანიფესტაციებით ვაჩვენოთ ხელისუფლებისგან განსხვავებული სახე როგორც ქვეყნის შიგნით, ასევე ქვეყნის გარეთ”, – ამის შესახებ ჟურნალისტებთან „ნაციონალური მოძრაობის“ წევრმა დავით კირკიტაძემ განაცხადა
“თქვენ ნახეთ, როგორი გახარებული იყო პუტინის მედიასაშუალებები იმით, რა კადრებსაც „ქართული ოცნების“ მედიასაშუალებები ავრცელებენ. ისინი მთლიანად უნისონში მოქმედებენ და ღრმად ვარ დარწმუნებული, ისევე როგორც უგზავნიან ამ კადრებს მათ მართულ მედიასაშუალებებს საკუთარი პრესსამსახურების მეშვეობით, ასევე უგზავნიან რუსეთის ტელევიზიებს. ეს ხელისუფლება ატარებს ერთადერთი ქვეყნის ინტერესს, ეს არის რუსეთის ინტერესები ჩვენი ხალხის საწინააღმდეგოდ,“ – განაცხადა კირკიტაძემ.
