“ლელოს” ლიდერის, მამუკა ხაზარაძის განცხადებით, მცდელობაა, რომ ოპოზიციის ყველა ლიდერი “ერთ ქვაბში მოხარშონ”.
მისივე თქმით, ოპოზიცია “ჭრელია” და მას მხოლოდ გაყალბებული არჩევნები აერთიანებს.
“მცდელობაა, რომ ოპოზიციური ყველა პარტია ერთ ქვაბში მოხარშონ და ეს ასე არ არის. ოპოზიცია გაერთიანდა ერთი საკითხის გარშემო, როდესაც ბიძინა ივანიშვილმა მთელი საქართველო გადააგდო და დაპირებული პროპორციული არჩევნები უკან წაიღო.
ოპოზიციური ერთობა, თუ ამას ერთობას ვუძახით არის ის, რომ ეს ყველაფერი ჩვენ თავს გადაგვხვდა, რასაც ჰქვია არჩევნების გაყალბება და ხმების წართმევა.
ოპოზიცია არის ძალიან ჭრელი თავისი ბუნებით, ისტორიით, მაგრამ ჩვენ შევთანხმდით, რომ არჩევნები გაყალბდა, საქართველოში თუ არ იქნება მრავაპლარტული პარლამენტი ევროკავშირის დიდ ოჯახში ვერ შევალთ და ამისთვის ვიბრძვით ჩვენ.
ჩვენ გვაქვს ძალიან მკაფიო პოზიციები ამასთან დაკავშირებით, “ლელო” მყავს მხედველობაში.”, -აღნიშნა მამუკა ხაზარაძემ.
