დღეიდან მთელი ქვეყნის მასშტაბით მუშაობას განაახლებენ მუზეუმები, სადაც რეგულაციებს მკაცრად გააკონტროლებენ.
განისაზღვრება სამუზეუმო სივრცეებში მოქალაქეთა რაოდენობა. სავალდებულო იქნება თერმოსკრინიგი, პირბადის ტარება და დეზობარიერის გავლა.
1-ელ მარტს კი მუშაობა განაახლეს ბიბლიოთეკებმა, სადაც იმოქმედებს დამატებითი რეგულაციები. პირბადე და დისტანციის დაცვა ბიბლიოთეკებშიც აუცილებელია. მომხმარებლებს სამკითხველო დარბაზის მაგიდებთან 2-მეტრიანი დისტანციით განათავსებენ. მანამდე ისინი დეზობარიერსაც გაივლიან.
