Myway Airlines- ი პოლონეთში მყოფი საქართველოს მოქალაქეებისთვის განცხადებას ავრცელებს. კომპანიის განცხადებით, Myway Airlines-ი ვარშავის მიმართულებით ფრენას 13 ივლისს შეასრულებს.
„საქართველოს მოქალაქეების სამშობლოში ჩამოსაყვანად, ავიაკომპანია Myway Airlines-ი ვარშავის მიმართულებით ფრენას 13 ივლისს შეასრულებს. ვარშავიდან გამოფრენა 14:45 (ადგილობრივი დროით).
ბილეთების შეძენა შესაძლებელია, მხოლოდ და მხოლოდ ავიაკომპანიის ოფიციალურ ვებ-გვერდზე! www.mywayairlines.com
მგზავრობის საფასური ერთ მგზავრზე შეადგენს 199 ევროს
გთხოვთ, გაითვალისწინოთ, რომ ავიაბილეთები, სახელის ცვლილებას, გადაყიდვას და დაბრუნებას არ ექვემდებარება!
მგზავრებს ვისაც სურვილი აქვს თბილისი-ვარშავას რეისით ისარგებლოს, წერილობით უნდა მიმართონ ავიაკომპანიის გაყიდვების წარმომადგენლებს შემდეგ მისამართზე: sales@mywayairlines.com
საქართველოს მოქალაქეების ტრანსპორტირების პროცესში, Myway Airlines-ი ინფექციების თავიდან აცილების მიზნით, ჯანმრთელობის მსოფლიო ორგანიზაციის რეკომენდაციებით ხელმძღვანელობს“,- წერია ავიაკომპანიის მიერ გავრცელებულ განცხადებაში.
