კიდევ ერთხელ გავიმეორებ, მზად ვართ მოლაპარაკების გაგრძელებისთვის, თუ ოპოზიციის ოდნავი კონსტრუქციულობა მაინც დავინახეთ, – ამის შესახებ პარლამენტის თვითმმართველობის კომიტეტის თავმჯდომარემ, სოზარ სუბარმა განაცხადა.
„ოპოზიციის შეფასებები არა მხოლოდ პოლიტიკურად მიუღებელია, ასევე დისკრიმინაციულია და ისინი ვერ აკონტროლებენ თავიანთ გამოთქმებს, საერთოდ სხვა პლანეტაზე ცხოვრობენ, სხვაგან არიან. კიდევ ერთხელ გავიმეორებ, მზად ვართ მოლაპარაკების გაგრძელებისთვის, თუ ოდნავი კონსტრუქციულობა მაინც დავინახეთ და არა შეურაცხმყოფელი განცხადებები ჩვენი პარტნიორების მიმართ, არა შეურაცხმყოფელი განცხადებები მომლაპარაკებლების მიმართ, არამედ კონსტრუქციული მიდგომა საკითხებისადმი“, – განაცხადა სუბარმა.
კრისტიან დანიელსონის მედიაციით, მმართველ გუნდსა და ოპოზიციის შორის მოლაპარაკებების მეორე რაუნდი 30 მარტს გაიმართა.
