ნამახვანჰესის მშენებლობის წინააღმდეგ სოფლის მოსახლეობამ დღეს საპროტესტო აქცია გამართა. მალხაზ მურიძე სოფელ დერჩში ცხოვრობს. მისი სოფელი ახლოსაა იმ ადგილთან, სადაც ნამოხვანჰესი უნდა აშენდეს. ის ამბობს, რომ მთავრობამ უნდა წარმოადგინოს გარემოს ზემოქმდების გეგმა, რომელიც ასეთ პროექტებს თან ერთვის.
„ძალიან მარტივი კითხვები გავქვს, ექსპერტები თვლიან, რომ თუკი აქ ჰესი აშენდება, აქაურობა მიწიძვრის შემთხვევაში 19 წუთში დაიტბორება, რატომ მოდიან ასეთ რისკზე. ამის გარდა, ამ სოფლებში არის უნიკალური ჯიშის ვაზი, რომელიც ამ ჰესის მშენებლობას შეეწირება”, – ამბობს მალხაზ მურიძე.
ჰესის საწინააღმდეგო აქციას პოლიტიკური პარტიები გაერთიანებული ოპოზიციის წარმომადგენლები და სასულიერო პირებიც შეუერთდნენ. ადგილზე ე.წ. სავედრებელი პარაკლისი ჩატარდა.„ხალხის ხმას არ ისმენენ და იქნებ ღმერთის მაინც შეისმონონ”, – ამბობენ სასულიერო პირები.
რიონის ხეობაში 433 მეგავატი სიმძლავრის ჰესს კომპანია „ქლინ ენერჯი გრუპი“ აშენებს. ნამახვანი ჰესის მშენებლობის ნებართვა კომპანიამ 2015 წელს „საქართველოს ენერგეტიკის განვითარების ფონდის” მიერ გამოცხადებულ ტენდერში გამარჯვების შედეგად მოიპოვა.
პროექტის მიხედვით, წყალტუბოსა და ცაგერის მუნიციპალიეტეტში, მდინარე რიონზე მშენებარე ნამახვანისა და ტვიშის ჰესები წლიურად 1,514 გეგა ვატ.სთ ენერგიას გამოიმუშავებენ, ხოლო ჰესებზე დადგმული სიმძლავრე ჯამურად 433 მეგა ვატს შეადგენს.
პროექტი 750 მილიონი დოლარის ღირებულებისაა. ინვესტიციის სანაცვლოდ, კომპანია ჰესის ამოქმედების შემდეგ, ბიუჯეტში წლიურად 20 მილიონ ლარის შეტანის პირობას დებს. კომპანიის ინფორმაციით, მშენებლობაზე, რომელიც სამ წელზე მეტ ხანს გაგრძელდება, 3000-მდე ადამიანი დასაქმდება.
„თემთა ერთობის“ წევრები ამბობენ, რომ კომპანიას არ აქვს გარემოზე ზემოქმედების შეფასების (გზშ) განახლებული გეგმა. გაერთიანების წევრების თქმით, კომპანია ვერ პასუხობს მათ კითხვებს დაგეგმილი მშენებლობის საფრთხეებთან დაკავშირებით.
