ცოტა ხნის წინ, რიონის ხეობაში ჩასული მინისტრებისა და ადგილობრივების შეხვედრა დასრულდა, რომელიც ჰესების მშენაბლობას უკავშირდებოდა.
ხეობის „მცველების” მოთხოვნა, ვიდრე მხარეებს შორის მოლაპარაკებები დასრულდება სამუშაოები შეჩერდეს, დაკმაყოფილებულია.
„რადგან ასეთი ემოციურია ეს საკითხი, კომპანიას ვთხოვთ, რომ ცოტა ხნით სამუშაო არ გაგრძელდეს. ჩვენ კი უნდა შევთანხმდეთ ფორმატზე, ადგილზე და დროზე თუ როგორ გავაგრძელებეთ შეხვედრას”, – განაცხადა ხეობაში ჩასულმა ეკონომიკის მინისტრმა ნათია თურნავამ ადგილობრივებს.
მხარეები შეთანხმდნენ, რომ ისინი იმ კვირის ბოლოს, სავარაუდოდ, პარასკევს შეიკრიბებიან და ხელშეკრულების დეტალებს გაივლიან.
„თუმცა, 14 მარტს დადგეგმილი დიდი აქცია ძალაში რჩება თუკი ჩვენი მოთხოვნა არ შესრულდება”, – განაცხადა შეხვედრის დასრულების შემდეგ რიონის ხეობის ერთ-ერთმა „მცველმა”, ვარლამ გოლეთიანმა.
შეგახსენებთ, რომ ეკონომიკისა და სოფლის განვითარების მინისტრები რიონის ხეობაში მას შემდეგ ჩავიდნენ, რაც გუშინ პრემიერ-მინისტრმა ადგილზე ჩასვლა დაავალა.
ავტორი:კესო მოლაშხია
